იცი?! თვალს მომადგა ცივი ცრემლი...(თ.ჯ)

მოდი ავიხდინოთ ოცნებები
ერთად გვირილები დავკრიფოთ...
და თუ მყვარებია სხვა ამ ქვეყნად,
მსგავსი არაფერი არ მკითხო.
იქნებ მე შენამდე არც ვცოცხლობდი,
იქნებ სხვაც არავინ არ იყო,
იქნებ სათქმელადაც აღარ მიღირს,
თუკი იყო ანდა არ იყო...
მოდი გავიღიმოთ მარტის ბოლოს,
აპრილს უყვავდება კვირტები,
იქნებ შუა თვეში შენც შენიშნო,
როგორ შენეული ვიქნები,
იქნებ აპრილამდეც შენთან ვიყო,
იქნებ მაისამდე დავშორდეთ...