მოკუნტული ვიწექი თხელ საბანში გახვეული როდესაც გამომეღვიძა. მთელი სხეულით ვკანკალებდი სიცივისგან. ხალხის კივილი მომესმა და გადავწყვიტე ფანჯარაში გამეხედა. ისედაც ვიცოდი რომ ეს კივილი სიკვდილის მაუწყებელი იყო, მაგრამ მაინც წამოვდექი და ფანჯარაში გავიხედე. მანქანის ფარების შუქზე კარგად ჩანდა ათამდე ადამიანი, რომლებიც მწკრივში დაეყენებინათ და რომლებიც უკვე სიკვდილის შვილები იყვნენ. დავინახე ერთ-ერთი ქალი როგორ ეხუტებოდა ბავშვს და მძიმედ მოთქვამდა. სწორედ ის იყო სიკვდილის ანგელოზის პირველი შვილი. სროლის ხმა მიყოლებით გაისმა.
↧